អតីតនាយករដ្ឋមន្ត្រីជប៉ុន Abe Shinzo បានទទួលមរណភាពហើយ
មន្ត្រីគណបក្សប្រជាធិបតេយ្យសេរីរបស់ប្រទេសជប៉ុនបានប្រកាសថា អតីតនាយករដ្ឋមន្ត្រីជប៉ុនលោក Abe Shinzo បានទទួលមរណភាពហើយ។
លោក អាបេ ត្រូវបានគេបាញ់សម្លាប់អំឡុងពេលថ្លែងសុន្ទរកថាកាលពីថ្ងៃសុក្រនៅទីក្រុងណារ៉ាភាគខាងលិច។ អ្នកយកព័ត៌មាន NHK ម្នាក់នៅនឹងកន្លែងបានឮសំឡេងកាំភ្លើងពីរគ្រាប់នៅម៉ោងប្រហែល 11:30 ព្រឹក នាងឃើញលោក Abe ដួល និងហូរឈាម មុនពេលគាត់ត្រូវបានគេបញ្ជូនទៅមន្ទីរពេទ្យ។
ប៉ូលិសនិយាយថា ពួកគេបានចាប់ខ្លួនបុរសអាយុ 41 ឆ្នាំម្នាក់ពីបទប៉ុនប៉ងមនុស្សឃាត។
ប្រភពក្រសួងការពារជាតិបានអោយដឹងថា បុរសម្នាក់ជាជនសង្ស័យម្នាក់មានឈ្មោះថា យ៉ាម៉ាហ្កាមិ តេស៊ុយ៉ា (Yamagami Tetsuya) មានអាយុ៤១ឆ្នាំ និងជាអតីតសមាជិកកងកម្លាំងស្វ័យការពារជប៉ុន ត្រូវបានប៉ូលិសចាប់ខ្លួន។
លោក Abe Shinzo គឺជានាយករដ្ឋមន្ត្រីដែលកាន់អំណាចយូរជាងគេរបស់ប្រទេសជប៉ុន។ គាត់មានអាយុ 67 ឆ្នាំ។