ឪពុកម្ដាយស្លា ប់ស្ទើរតែធ្វើបុណ្យ ៧ ថ្ងៃ មិនទាន់ផង បងប្អូនខាងឪពុកចុង មកគំរាមចែកទ្រព្យសម្បត្តិស្មេី ?
នៅព្រឹកថ្ងៃទី ២ ខែ វិច្ឆិកា ឆ្នាំ ២០២០ ក្មួយប្រុស ២ នាក់ ត្រូវជាកូនសព ឈ្មោះ កែវ ស្រីដា ( ម្ដាយបង្កើត ) និង ឈ្មោះ អ៊ុក ម៉ារ៉ាឌី ( ឪពុកចុង ) ដែលបានធ្វើ អត្តឃាតតាមរយៈការបាញ់សម្លា ប់ ម្ដាយហើយ ទេីបសម្លា ប់ខ្លួនឯងតាមក្រោយនៅផ្ទះជួល សង្កាត់ បឹងទំពុន ខណ្ឌ មានជ័យ កាលពីថ្ងៃទី ០៣ ខែ តុលា ឆ្នាំ ២០២០ បានមករកខ្ញុំអោយជួយផ្សាយអំពីសាច់ញាតិខាងឪពុកចុងមកគំរាមចែកទ្រព្យសម្បត្តិស្មេីគ្នា បេីមិនអោយ ចង់លក់ដី ក៏លក់មិនបានដែរ ។
ក្មួយប្រុសទាំងពីរ បានបញ្ជាក់ថា ក្មួយមានបងប្អូនបង្កេីតចំនួន ៤ នាក់ ជាកូនបង្កេីតរបស់ម្ដាយឈ្មោះ កែវ ស្រីដា ដោយ២នាក់ នៅក្រៅប្រទេស ២នាក់ គឺនៅក្នុងប្រទេស ។ ចំណែក ឪពុកចុងរបស់ខ្លួនគឺ មានកូនម្នាក់ដែរ ។ ក្មួយទាំងពីរបានបន្ថែមថា បន្ទាប់ពី ឪពុកម្ដាយបានស្លា ប់ទៅ ពួកគាត់បានបន្សល់ទុកនូវដីចំនួន ២ កន្លែង ដោយ ១កន្លែងស្ថិតនៅ ភូមិ ខ្ចៅ ឃុំ ជ្រៃ ស្រុក កំពង់ត្របែក ខេត្ត ព្រៃវែង ទំហំ ៤៥៤០ ម៉ែត្រក្រឡា និង ១កន្លែងទៀតស្ថិតនៅ ភូមិ កន្ទុយទឹក ឃុំ ទៀន ស្រុក កណ្ដាលស្ទឹង ខេត្ត កណ្ដាល មានទំហំ ២៦៥ ម៉ែត្រក្រឡា ។
ពេលឪពុកម្ដាយបានស្លា ប់ទៅ ក្មួយធ្វេីបុណ្យ ៧ ថ្ងៃ ស្ទើរមិនទាន់ផង ស្រាប់តែលេចសាច់ញាតិខាងឪពុកចុងមកដណ្ដើមទាមទារអោយចែកទ្រព្យសម្បត្តិគ្នាស្មេី ។ ក្មួយទាំងពីរបានប្រាប់ថា បេីចែកចំណែកដល់ប្អូនជាកូនរបស់ឪពុកចុងខ្លួន គឺ ក្មួយយល់ព្រម តែបេីចែកចំណែកដល់សាច់ញាតិបងប្អូនរបស់ឪពុកចុងក្មួយ ក្មួយមិនព្រមទេ ។
តេីសាច់ញាតិបងប្អូនខាងឪពុកចុងណាមួយទៅហ្ន៎ដែលមកទាមទារទ្រព្យសម្បត្តិគេដោយគ្មានអៀនខ្មាស់បែបនេះ ?